Bid, bid, bid

Word jy ook soms moedeloos as jy al lank vir ’n spesifieke saak of mens bid, maar geen uitkoms of verandering sien nie. In Lukas 18:1-6 vertel Jesus ’n gelykenis wat dit juis behandel.

Hy vertel van ’n onregverdige regter wat tog maar ag slaan op die herhaalde versoeke van ’n weduwee.

Lukas vergelyk God wat regverdig is en ag slaan op mense met hierdie regter:

Sal God dan nie aan sy uitverkorenes, wat dag en nag tot Hom roep, reg doen nie? Sal Hy hulle lank laat wag? Ek sê vir julle: Hy sal hulle help, en gou ook! (Lukas 18:6-8)

Moet nie moedeloos raak nie, maar hou aan om tot God te bid.