Jacques Tredoux - Wil julle nie ook weggaan nie?
Soms klink dit eenvoudig te erg om vir Jesus te volg. Wie Hy is en wat Hy verwag, voel soms net te groot en te veel. Die versoeking is dan om Jesus se boodskap “sagter” te maak... Jesus wil egter niks daarvan weet nie! Hy help ons eerder om raak te sien dat Hy die enigste pad na die lewe is! https://www.youtube.com/watch?v=f8TxE3Ys6VM

Fanie van der Schyff - Melk en vaste kos
Melk is kos vir babatjies; Vaste kos is vir volwassenes ... Wat leer ons Here ons van ons geloofslewe deur hierdie beeld? https://www.youtube.com/watch?v=V7mGBRMkvAA

Fanie van der Schyff - Christus sentraal
"Jesus Christus is gister en vandag dieselfde en tot in ewigheid" ~ Hebr 13:8 https://www.youtube.com/watch?v=eSEmd33qgCU

Jacques Tredoux - Jesus is die fondament en hoeksteen
Vandag is ons eerste gesinsdiens vir 2025! Ons tema vir hierdie jaar se gesinsdienste is: Die lewende gebou van God... Ons skop af deur na die heel belangrikste deel van ‘n gebou te kyk. Dit is natuurlik die fondament en die hoeksteen! https://www.youtube.com/watch?v=DND0nQpHnQ4

Ammi Pelser - Geen tree sonder die Here in die nuwe jaar nie!
Daar gebeur elke dag dinge wat ons diep bekommerd en onrustig maak. En dit sal in 2025 steeds gebeur. Maar ons weet ons is in die Here se hande. Hy beskerm en bewaar ons. Hy is saam met ons op die pad, by ons, elke oomblik, soos die skaduwee aan ons regterhand. Daarom kan ons rustig wees oor die jaar. Ons kan rus in God. By Jesus Christus kan ons elkeen rus vind. Hy sal nie rus voordat ons volkome rus gevind het nie. Hy werk deur sy Gees in ons sodat ons elke dag van die lewe van ons bose werke kan rus. So begin die ewige Sabbatsrus alreeds in hierdie lewe. So bely ons in Sondag 38. Maar die volheid daarvan kom nog. Die Heilige Gees bevestig dit. Hy is altyd by ons op die pad. Hy versterk ons. Hy lei ons. Hy troos ons. Hy is God in ons. https://www.youtube.com/watch?v=OyQZLe7YhZw

Jacques Tredoux - Die doop is ‘n teken van God se genade wat bekragtig
Genade is kern van ons geloof. Ons verstaan van genade, is wat Christenskap anders maak as alle ander gelowe. Tog verstaan ons self nie altyd genade reg nie. Ware genade maak nie dat ons minder gehoorsaam wil wees nie, maar meer! Net so, is ‘n regte verstaan van die doop, ‘n teken wat vir ons leer van hierdie genade wat ons bekragtig... https://www.youtube.com/watch?v=V7pwT9bvAtY

Jacques Tredoux - Waarom word ek ‘n Christen genoem?
Waarom word ek ‘n Christen genoem? Dit is ‘n vraag wat elke gelowige baie duidelik behoort te kan antwoord. Die Heidelbergse Kategismus help ons om hierdie belangrike vraag beter te verstaan... https://www.youtube.com/watch?v=c1NyF6O68Ts

Fanie van der Schyff - Skatte in die duisternis
Jesaja is ons Here se profeet. Hy profeteer van verlossing uit ballingskap. Die verlosser is egter 'n heidense koning, Kores van Persië! Ons Here se weë is so anders as wat ons dink ... https://www.youtube.com/watch?v=7r7MGlWBgfg