|
Jacques Tredoux - Gestuur met vrede en blydskap
Paassondag, die dag wat Jesus opgestaan het, is die dag wat alles verander het! Dit is die dag wat die grootste “beweging” van alle tye begin het – die kerk van Jesus! Hier is ‘n klein groepie bang dissipels bymekaar, maar hulle word uitgestuur met Jesus se vrede en blydskap! Hierdie onverwagse groepie mense verander letterlik die wêreld, net soos die kerk vandag nog kan doen... https://youtu.be/8XSDZEr3y0o
0 Comments
Jacques Tredoux - Uitgegaan om ons in te bring
Jesus moes uit die stad uitgaan en buite die stadspoorte ly... Hy was nie deur die leiers en die elite werd geag om binne die stad te wees nie. Saam misdadigers is Hy verwerp. Tog is dit op 'n wonderbaarlike manier presies wat moes gebeur sodat ek en jy ingebring kan word!In die ware stad van God, die ewige Jerusalem. Nou word ons geroep om soos Jesus ook ander in te bring... https://youtu.be/1WOgh6xJXs4
Jacques Tredoux - Uitgegaan om ons in te bring
Jesus moes uit die stad uitgaan en buite die stadspoorte ly... Hy was nie deur die leiers en die elite werd geag om binne die stad te wees nie. Saam misdadigers is Hy verwerp. Tog is dit op 'n wonderbaarlike manier presies wat moes gebeur sodat ek en jy ingebring kan word!In die ware stad van God, die ewige Jerusalem. Nou word ons geroep om soos Jesus ook ander in te bring... https://youtu.be/wJa1feI20zI
Ammi Pelser - Die gebed as spieël van ons hart
Die gebed is die spieël van die hart. Hoe ons bid en wat ons bid gaan oor die gesindheid van hoe ons tot God nader. God weet wat in ons harte aan gaan as ons bid. Hoe klink dan nou die gebed van die regverdige? ‘n Regverdige wie se hart en lewe gereinig is? Dit is ‘n dankgebed – ‘n loflied tot God se eer. https://youtu.be/ySZ7S4EsFnc
Daniël Maritz - Die doop van 'n kind wys ons na ons Woning toe
Ons het vanoggend nog 'n doop-geleentheid en ons gaan stilstaan by Psalm 84. Hierdie psalm herinner ons dat die Here self ons lieflike woning is. As ons dink aan die doop dan is dit juis ook 'n inlywing van 'n kindjie in die woning van die Here in. Dit is 'n teken van God se verbond waar Hy die inisiatief neem en 'n verbond sluit met die kindjie. https://youtu.be/Rwn5_SVSP_g
Ammi Pelser - Die Wonderlike groeikrag van God se koninkryk
Die klein mosterdsaadjie het die potensiaal om om 'n groot boom te word, net so kan ons geloof wat so klein is soos 'n mosterdsaadjie ontaard in iets so groot, dat dit 'n doel in God se koninkryk het. Dit het geweldige groeikrag. https://youtu.be/SOKgHUcqN6s
Jacques Tredoux - Die misterie van dood en lewe deur die doop
Vandag het ons die voorreg om drie kindertjies te doop. Ons lewe in ‘n tyd waar daar groot verskille oor die doop is. Dit maak dat ons soms so vasgevang raak in klomp debatte oor die doop, dat ons die wonder van die doop miskyk of vergeet. Hier in Romeine sien ons dat ons deur die doop deel kry aan Jesus se dood en opstanding! Hoewel dit ‘n groot misterie bly, gee dit ook vir ons ‘n hele nuwe perspektief op ons lewe... https://youtu.be/9uP9ofCnlo4
Janré van Jaarsveld - Glimlag in die storm!
Was jy al ooit in n storm? Was jy al ooit in n situasie wat vir jou te erg was om te hanteer? Dit voel dan amper of n storm oor mens losbars! Die Boodskap van Markus 4 : 35 - 41 is nie net dat Jesus die storm stilmaak en die storms van jou lewe ook kan stilmaak nie. Ons sien ook Jesus het ’n storm veroorsaak! Hy het die storm op die see stilgemaak maar, Hy het in die dissipels se harte en gedagtes ’n geestelike storm laat opsteek! Die Here lei ons soms in storms in dat ek en jy kan sien Hoe groot en Almagtig Hy is. Vanaand gaan ons dit saam in Markus 4 verken. https://youtu.be/VaSlK4FYQTs
Jacques Tredoux - Offers wat jou iets kos
“Ek bring nie aan die Here my God offerandes wat my niks kos nie.” Hierdie woorde van koning Dawid is iets wat almal van ons waarskynlik hard tref! Is ons “offers” aan die Here werklik dinge wat ons iets kos, of gee ons net wanneer dit gemaklik en gerieflik is? Dit kan mens maklik laat skuldig voel! Tog sien ons ook in hierdie verhaal hoe Dawid by hierdie merkwaardige stelling uitgekom het, en dít verander alles... https://youtu.be/4oRSHL-qScQ
Jacques Tredoux - Raak rustig, die Here is goed!
Was jy al in ‘n situasie waar jy doodbenoud en bekommerd was? ‘n Situasie waar jy net eenvoudig nie kan sien hoe jy aan die ander kant gaan uitkom nie. Dalk is jy nou in so ‘n situasie... Die psalmdigter van Psalm 116 kyk terug op so ‘n situasie en is oorweldig deur vreugde omdat die Here hom daardeur gehelp het. Vanaand sien ons hoe hierdie Psalm, sowel as die Nagmaal ons almal deur sulke tye kan dra om uiteindelik die Here te kan loof! https://youtu.be/paF5tEFvxes |
Argief
April 2025
KATEGORIE |
RSS Feed