Fanie van der Schyff - Kind van God
Deur die doop ontvang ons en ons kinders opnuut weer die troosryke versekering dat God Hom van sy kant af aan ons (en ons kinders) verbind het en daarom word ons genoem: 'Kind van God'. Wat beteken hierdie kosbare naam vir my en my kinders? https://www.youtube.com/watch?v=je5s8F1Hk5A

Fanie van der Schyff - Ons ewige Koning
Die verkiesing self is verby ... 'n 'nuwe' regering word tans saamgestel. Daar is baie woelinge en uitdagings wat oorbrug moet word. Hoe staan ek as Christen teenoor al hierdie dinge? https://www.youtube.com/watch?v=4NZbr_AAi8k

Jacques Tredoux - Volmaakte vryheid
Almal van ons wil vry wees. Dit is seker een van die dinge wat in die kern van ons almal se lewe lê. Die probleem is net dat ons nie altyd mooi weet wat ons self eers met vryheid bedoel nie. Vry waarvan? Vry waarvoor? Die Bybel leer vir ons ‘n unieke perspektief op vryheid wat ons werklik kan vry maak... https://www.youtube.com/watch?v=kz6VKRHbIv4

Janré van Jaarsveld - Wie is my naaste?
Ons leer in Lukas 10 dat jy nie ’n Barmhartige Samaritaan moet wees om die ewige lewe te kry nie. Maar iemand wat die ewige lewe by Jesus as geskenk gekry het... lewe soos die barmhartige Samaritaan.. https://www.youtube.com/watch?v=PczwKvN8TRQ

Fanie van der Schyff - Lekker slaap!
Ons beleef tans baie onsekerheid en onrus in ons land na die verkiesing. Dawid het in sy lewe dieselfde politieke onrus beleef, maar nogtans kon hy bely "Nou sal ek onbesorg gaan lê en dadelik aan die slaap raak, want, Here, U alleen laat my veilig woon". https://www.youtube.com/watch?v=AksL-Her3zc

Jacques Tredoux - Kyk vorentoe!
Soms maak dinge wat in die verlede goed gewerk het mens moedeloos as is dit nie vandag so goed werk nie. Hier sien ons egter dat die Here ons oproep om aan die werk te spring ten spyte daarvan, want sy beloftes is veel groter as dinge wat in hierdie lewe goed werk... https://www.youtube.com/watch?v=kv-52rTST4k

Cassie Aucamp - Word vervul met die Heilige Gees.
Ons Here Jesus het belowe: Ek het gekom dat julle lewe en oorvloed kan hê. Hierdie lewe werk Hy deur sy Heilige Gees, wat elke gelowige as gawe ontvang het. Hoekom is ons lewe dan dikwels so op 'n geestelike laagwatermerk, flou en sonder krag? Omdat ons nie lewe vanuit die volle krag van die Heilige Gees nie, ons nie vervul is met die Heilige Gees nie. Dis 'n opdrag: Word vervul met die Heilige Gees. Ons moet Hom hoe langer hoe meer in ons laat werk, in elke uithoek van ons lewe. Deur gebed, deur gehoorsaamheid, deur vertroue op Hom, deur die omgang met sy Woord, deur die dors na sy volheid. Laat ons voluit lewe uit die krag van die Heilige Gees wat "ook aan my" geskenk is. Laat hierdie gemeente ook 'n lig wees wat skyn uit die krag van die Heilige Gees. https://www.youtube.com/watch?v=DEaX4Ufeukk

Jacques Tredoux - Die tyd is nou!
Die volk van die Here wat uit Babel na Jerusalem teruggekeer het, het in soveel probleme vasgeloop dat hulle eerder besluit het om nie nou met die herbou van die tempel (die Here se werk) te begin nie... Tog het hulle baie ywerig aan hulle eie huise en lewens gebou. Soms is ons omstandighede net ‘n gerieflike verskoning om ons eie verkeerde motiewe weg te steek. Gelukkig is daar ‘n oplossing... https://www.youtube.com/watch?v=vI9W614ERHI

Ammi Pelser - Hoe om regtig te kan sien
Hoe sien jy? Sien jy rerig? Ons probleme en krisisse wat so groot en onmoontlik lyk, wat ons bang en moedeloos maak, is klein en hanteerbaar as ons met geloofsoë daarna kyk. Ons sien die sogenaamde oormag van die Bose en sy magte. Hulle val ons voortdurend aan. Ons voel so magteloos en weerloos. Ons sien ons eie swakheid. Maar dan kyk ons met geloofsoë. En sien die onsienlike raak. Ons sien die almagtige God, wat in beheer is. Hy het ons so lief dat Hy sy enigste Seun gegee het. Hy beskerm en bewaar ons. Ons kan moed skep en bely: God is vir ons, wie kan dan teen ons wees? https://www.youtube.com/watch?v=VhhUWkjPrP8