Goeiemôre, hier volg die skakel na vanoggend se diens wat om 9:30 sal begin. https://ift.tt/1TjOzfI via Brooklyn-gemeente https://ift.tt/1WoUt56

Goeiemôre, hier volg die skakel na vanoggend se diens wat om 9:30 sal begin. Groete https://ift.tt/1TjOzfI via Brooklyn-gemeente https://ift.tt/1WoUt56

Die Kerkraad se besluit oor kerkgebou-eredienste tydens vlak 3 van inperking: Beste mede-broer/suster Sedert die aankondiging van die grendeltyd einde Maart, was daar sekere maatreëls en regulasie wat moeiliker was om te interpreteer. Die aankondiging van die Staatspresident rondom die verligting van maatreëls rondom godsdienstige byeenkomste tydens vlak 3, tesame met die uitreik van regulasies daar rondom, was ongelukkig geen uitsondering nie. Met die beskikbare feite op die tafel, het die Kerkraad van Brooklyn Dinsdag via “Zoom” vergader om die wenslikheid van die hervatting van eredienste in die kerkgebou, binne die bepaling van die regulasies, biddend en deeglik te bespreek. Ter wille van beter agtergrond waarteen die Kerkraad die besluit moes neem, gee ons graag ʼn Afrikaanse vertaling van die regulasies, soos dit van die Administratiewe Buro van die GKSA ontvang is, aan almal deur. (Sien aangeheg by Whatsapp boodskap en e-pos) Die Kerkraad het breedvoerig besin wat die doel en wese van die “gemeenskap van gelowiges” in die konteks van ʼn erediens in die kerkgebou beteken. Daar is besef dat veral die regulasies wat fisiese kontak met mekaar en erediens sang verhoed (Punt 4) en die verbod op die drink van koffie en tee na die diens (Punt 7.4), die wese van geloofsgemeenskap belemmer. Die groter risiko wat die inhou vir persone bo 60 en persone met ʼn mediese risiko, is ook deeglik in berekening gebring In die lig hiervan het die Kerkraad eenparig besluit dat dit die wyse weg is om vir die huidige nie met eredienste in die kerkgebou te begin nie en die status quo van digitale regstreekse uitsendings van preke deur ons predikante te handhaaf. Die kerkraad sal die situasie rondom veranderende regulasies monitor en herevalueer indien nodig. Ons besef die gemis van die fisiese saamkom van ʼn geloofsfamilie... Die saam aanbid en saam kuier oor ʼn lekker koppie koffie! Die deel in mekaar se vreugdes en hartseer op ‘n tasbare manier! Ons besef dat daar ook baie emosie rondom sodanige besluit ingebring kan word. Ons glo egter as Kerkraad dat hierdie besluit in liefde vir mekaar geneem is ten einde mekaar te beskerm van ʼn gesondheidsrisiko. Ons Here Jesus het ons immers self gemaan om in uitdagende omstandighede so versigtig te wees soos slange en opreg soos duiwe (Mat. 10:16b). Dit is ons bede dat elkeen in die gemeente rustigheid sal hê rondom hierdie Kerkraadsbesluit en dat ons steeds as geloofsfamilie ons Here bo alles sal bly dien en mekaar in hierdie ongewone omstandighede sal bly ondersteun en vir mekaar bid. Seën Die Kerkraad van Brooklyn-gemeente via Brooklyn-gemeente https://ift.tt/1WoUt56