Die Wenspan

​Die Leeus se rugbyspan het die afgelope Saterdag in die halfeindstryd teen die Hurricanes gespeel. Aanvanklik het dit gelyk of hulle gaan verloor, maar toe het hulle uiteindelik gewys wie is baas.

In die lewe is daar baie terugslae wat jou soms kan laat voel jy speel in ’n verloorspan. In hierdie oomblikke is dit belangrik om te begryp wie Jesus is, want elke volger van Hom is deel van die wenspan. Luister bietjie na wat Jesus vir Petrus sê:

“Maar julle,” het Hy gevra, “wie sê julle, is Ek?” Simon het geantwoord: “U is die Christus, die Seun van die lewende God ... en op hierdie rots sal Ek my kerk bou, en die magte van die doderyk sal dit nie oorweldig nie”  (Matteus 16:15-18).

​Jesus het opgestaan en Hy regeer! Begryp dit en leef in daardie hoop, ook in donker tye.