Geskenke uit God se hand

​Jesus Christus skenk aan elkeen wat Hom volg genadegawes. Die doel daarvan is om elkeen toe te rus vir die dienswerk wat gedoen moet word (Efesiërs 4:11-13).

​In 1 Korintiërs 12:4-7 staan daar:

Daar is ’n verskeidenheid van genadegawes, maar dit is dieselfde Gees wat dit gee; daar is ’n verskeidenheid van bedieninge, maar dit is dieselfde Here wat die opdrag gee; daar is ’n verskeidenheid van kragtige werkinge, maar dit is dieselfde God wat alles in almal tot stand bring. Aan elkeen afsonderlik word ’n werking van die Gees gegee tot voordeel van almal.

Moet nie hierdie geskenk uit God se hand mors nie. Gebruik dit in opdrag van die Here om ander te dien én jy sal die kragtige werkinge van God in jou lewe ervaar!