Jesus leer ons bid

​Het jy ook al gewonder waarom Jesus ons leer om ons gebede te begin met Ons Vader wat in die Hemel is?

Aan die een kant het ons die vrymoedigheid om Hom aan te spreek as “Abba” (Pa, Vader, Pappa). Dit is wie Hy regtig vir jou is. Jy is die een wat vir Hom kosbaar is, vir wie Hy sorg en vir wie Hy beskerm.

Ons Vader wat elke oomblik met ons is, is egter ook die Here van alles en almal:

​Ek is nie ’n God wat net naby is nie, sê die Here, Ek is ’n God wat ook ver weg is. Niemand kan in ’n geheime plek wegkruip sonder dat Ek hom sien nie, sê die Here. Ek is oral in die hemel en op die aarde, sê die Here (Jeremia 23:23 en 24).

Leef in hierdie kosbare verhouding met Hom. Ons Vader is die Koning van die heelal.