Jesus leer ons bid

Het jy al daaraan gedink dat Jesus se ouers voor sy geboorte vir hom gebid het? As klein seuntjie het hulle ook vir hom gebid, saam met hom gebid en hom geleer hoe om te bid. Net soos gelowige ouers vandag ook sou doen.
​
As volwassene is Jesus die een wat ons leer bid: 

Só moet julle dan bid: Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde; gee ons vandag ons daaglikse brood; en vergeef ons ons skulde, soos ons ook ons skuldenaars vergewe; en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen (Matteus 6:9-13, 1953-vertaling).