Rus vir jou gemoed

Party dae voel dit of dinge net te veel raak. Die hooi op jou vurk is te veel of dalk het jy slegte nuus gekry. Indien jy vandag so voel, luister na Jesus se woorde aan jou in Matteus 11:28-30:

Kom na My toe, almal wat uitgeput en oorlaai is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. My juk is sag en my las is lig.

Neem hierdie woorde ernstig op, want by die Here sal jy die genade, krag en rus vind wat jy nodig het. Hy is getrou!