Sy Krag

Het jy gesien dat die Paaseiers en hot cross buns op uitverkoping is in die winkels? Vir die wêreld is die Paasfees iets van die verlede - tot volgende jaar.
 
Ons as Christene bevind ons nou tussen Paasfees en Hemelvaart. Vir ons is die krag daarvan elke dag ’n realiteit. Luister wat skryf Paulus:

“Ek bid dat hy julle geestesoë so verhelder dat julle kan weet watter hoop sy roeping inhou  … en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag wat Hy uitgeoefen het toe Hy Christus uit die dood opgewek en hom in die hemel aan sy regterhand laat sit het …” (Efesiërs 1:18, 20).

Besef jy met watter krag God in jou werk!