Wie is jy regtig?

Het jy al ooit gewonder wie jy regtig is? Mense verskil in so baie opsigte. Miskien voel jy soms minderwaardig of dalk het jy so in sonde verval dat jy twyfel of jy nog ’n Christen genoem kan word. Indien dit die geval is, kyk na die kruis en weet dat jy so kosbaar vir God is dat Hy vir al jou sondes betaal het.

Lees wat sê die Here aan sy kinders: 

Die Here jou God is by jou, Hy, die krygsman wat red. Hy is vol vreugde oor jou, Hy is stil-tevrede in sy liefde. Hy jubel en juig oor jou (Sefanja 3:17). 

​Neem God vandag op sy Woord en leef vir Hom.