|
Fanie van der Schyff - Christelike Manifesto (6)
Ons Here leer ons in die 'Onse Vader' bid om deur Hom vergewe te word. Die hart van die Evangelie lê daarin dat God ons gebed verhoor het. Ons Here Jesus het ons sondeskuld op Hom geneem en ten volle daarvoor betaal. Om te leef met die sekerheid dat ons ten volle vergewe is, is groot genade, maar bring ook groot verantwoordelikheid. https://youtu.be/-nEla-ERU4M
0 Comments
Daniël Maritz - Ons het 'n Voorspraak
Die apostel Johannes maak groot erns met die sonde. Hy vertel vir ons hoe ernstig en vernietigend dit is, maar saam met dit, vertel hy ons van ons Voorspraak. Kom luister wat die verskil is wat ons Voorspraak in ons lewens maak. https://youtu.be/j-mxyOfnReY
Jacques Tredoux - Die sonde lê en loer
Ons is besig om te worstel met die vraag - Wat is fout met ons? Verlede week het ons gesien die Bybel leer dat die sonde die diepste oorsaak is van alles wat fout is met die mensdom. Maar wat presies is sonde? Vir die volgende paar weke gaan ons ons verstaan van die sonde verbreed deur na 'n paar verhale in die Bybel te kyk. Vanaand sien ons hoe die sonde vir ons almal lê en loer om dit is sy mag te kry... https://youtu.be/B4PjM5IafV4
Jacques Tredoux - Die belangrikste dag van alle tye...
Opstandingsdag is die belangrikste dag van alle tye. Dit is so belangrik dat die vroeë Christene besluit het om dit elke week te vier! Kom ons staan weer opnuut verwonderd oor hierdie wonderlike dag op ons kalender! As dit nie vir die opstanding was nie, is ons geloof immers tevergeefs... https://youtu.be/tSUjPLpAcjU
Jacques Tredoux - Paasdiens 2019
Eerste kruiswoord: - Vader vergeef hulle - Luk. 23:34 Tweede kruiswoord: - Ek verseker jou: Vandag - Luk. 23:43 Derde kruiswoord: - Daar is u seun - Joh 19: 26 – 27 Vierde Kruiswoord: - My God my God - Mat 27: 46 Vyfde kruiswoord: - Ek het dors - Joh 19: 28 Sesde kruiswoord: - Vader in U hande - Luk 23: 46 https://youtu.be/LfHLvxB-Jik
Jacques Tredoux - Wat is fout met ons?
Dit is maar net nodig om enige koerant op te tel of na enige nuus te kyk en jy sal weet dat alles nie reg is in die mensdom nie. Mense leef in haat en geweld en ons is soms verstom tot watter boosheid mense in staat is. Hoekom is dit so? Ons begin vanaand met 'n reeks waar ons kyk na wat die antwoord is wat die Bybel op hierdie vraag gee, maar ook na die oplossing... https://youtu.be/3we3iELwm_M
Fanie van der Schyff - Ons Christelike 'manifesto' (5)
Ons Here leer ons uit die 'Onse Vader': # Ons Here alleen is God # Sy Naam troon bo alles en almal # Hy is Koning oor alles en almal # Sy wil is onveranderlik In die vierde bede word ons geleer dat Hy ons alles wat ons nodig het, gee en dat ons in dankbaarheid ook moet gee ... https://youtu.be/ouajBfUkVJ0
Fanie van der Schyff - Ons Christelike 'manifesto' (4) - God se wil
Ons Here Jesus leer ons om te bid dat God se wil op aarde sal geskied, soos wat sy wil in die hemel uitgevoer word. As mens dink aan die wreedheid van wat alles hier op aarde gebeur, dan kom die vraag so maklik op "Is dit ook deel van God se wil?" Ons vra in nederigheid na die wil van God ... https://youtu.be/9xSBZinWrcs
Henk Stoker - Krag, liefde en selfbeheersing van die Een op wie ons vertrou
In Jesaja 25:1 jubel die profeet oor God se genade in baie moeilike omstandighede: “Here, U is my God! Ek wil U prys en u Naam loof! U het wonders gedoen; dinge wat U lankal besluit het, het U volgens plan uitgevoer.” Wanneer Paulus aan Timoteus skryf beleef die gelowiges weer baie moeilike omstandighede. Die wyse waarop Timoteus op die Here vertrou (2Tim.1:12) moet ander inspireer: “Niemand mag op jou neersien omdat jy jonk is nie, maar wees jy vir die gelowiges 'n voorbeeld in woord en gedrag, in liefde, geloof en reinheid” (1Tim.4:12) Dit geld ook vir ons want “die Gees wat God ons gegee het, maak ons immers nie lafhartig nie, maar vul ons met krag en liefde en selfbeheersing” (2Tim.1:7). https://youtu.be/1Gq_lRPFEgQ |
Argief
January 2025
KATEGORIE |
RSS Feed