|
(Oggend) 5 Januarie 2013
JOSUA 1:1-9 B/L Neem asb. kennis hierdie preek is die rou kopie en is nie taalkundig versorg en afgerond nie WEES STERK EN VASBERADE! (Bemoediging vir 2013) Hoe gaan jy ‘n klein seuntjie of dogtertjie (so 5jr oud) oorreed om in ‘n vreemde huis, in ‘n donker kamer iets vir jou te gaan haal? As ons eerlik met mekaar wil wees, daar is nie ‘n manier van ‘n dag oud dat jy dit gaan regkry nie! Waarom? Want donkerte maak mense bang Nie net klein kindertjies nie, volwassenes ook, kragmanne ook... Waarom maak donkerte mense bang? Dit gaan oor die onbekende van dit wat jy nie kan sien nie As jy nou vir ‘n klein kindjie mooi gaan verduidelik waarom jy wil hê hy iets vir jou moet gaan haal en jy praat hom moed in, gaan hy definitief ‘n bietjie beter en dapperder voel, maar hy gaan nog steeds bang wees. Hy gaan dit waarskynlik nog steeds nie doen nie Gaan jy ‘n kleintjie so ver kry om iets vir jou in die donkerte te gaan haal as jy vir hom sê: “Kom, vat my hand, dan stap ek saam met jou”? JA, heel waarskynlik Waarom? Omdat ‘n klein kindjie vertroue het in sy pa of ma Daar is iets wat ‘n kindjie waarskynlik nog rustiger gaan maak. Gee vir hom ‘n flits in die hand waarmee hy in die donker kan sien! En dan net voor hulle die donker instap, dan hoor die kindjie vir oulaas die pa sê: “Onthou nou, jy hoef regtig nie bang te wees nie, want ek is en bly by jou”! Dit is waarskynlik die naaste aan rustig wat jy ‘n kindjie gaan kry om in die donker iets vir jou te gaan doen Dit is wat met Joshua gebeur het. Ons het dit gelees in hierdie kort gesprek wat ons Here met hom gevoer het. As mens dit gewoonweg lees, dan is dit ‘n gesprek wat nie eers 2 minute geduur het nie! Maar hoe kragtig is dit nie! Joshua is spreekwoordelik die klein kindjie wat die donker ingestuur word Luister na die opdrag wat ons Here vir hom gee [:2, 6b] Die donker wat vir Josua banggemaak het, was die pad van die onbekende Hy is die nuwe leier wat die volk van die Here die onbekende moet inlei 40 jr gelede het die Here sy slawevolk deur die Rietsee gelei na hul vryheid Vir 40 jr was Israel in die woestyn Vir 40 jr was Moses die leier van die volk Vir 40 jr het die Here vir hulle kos voorsien Vir 40 jr was die volk van die Here teen ander volke beskerm Al was dit ‘n woestynlewe – dit was vir hulle die bekende Dit was hulle sekuriteit Dit was op ‘n manier ‘n gemaklike lewe Dit het daar in die woestyn met hulle goed gegaan Maar nou moet hulle oor die Jordaan trek – die onbekende in Dit is die land van die Ammoniete, Moabiete, Filistyne..... ...hulle moet nou ‘n land (meer nog – lande) gaan oorneem wat op daardie huidige stadium aan ander volke behoort Wat vir hulle voorlê is oorlog – iets wat hulle nie ken nie En boonop het die verspieders klomp jare gelede gesê dat die inwoners oorkant die Jordaan so groot soos reuse is... Dit bly ‘n donker prentjie wat geskets word Dit is die pad wat vir Josua voorlê En dit is teen hierdie agtergrond dat die Here met Josua hierdie kort en kragtige gesprek gevoer het, omdat Hy geweet het dat Josua bitter bang was Nadat ons Here vir Josua sy opdrag gegee het, gee Hy vir hom ‘n verduideliking van die implikasie en reikwydte van hierdie opdrag [:3,4,5a] Al verstaan Josua sy roeping en die verduideliking van die implikasie en reikwydte van hierdie opdrag, bly hy maar net mens – hy is nog steeds bang. Daarom hoor ons ons Here vir Josua sê: [:6a, 7a, 9a – ‘n 3 dubbele bemoediging!] Dit is asof ons Hom hoor sê: “Moenie bang wees nie. Kom, vat My hand, Ek stap saam met jou”! Die woorde “sterk wees” en “vasberade wees” word sterk beklemtoon. Sterk wees
[:6a,7a,9a] Dan kom daar nog ‘n bemoediging: [:9b]!! moenie skrik nie en moenie bang wees nie. Moenie jou oë so op die gevare rondom jou fokus dat jy MY nie meer as BRON van KRAG voor oë het nie VR. Waarom hoef Josua nie te skrik en bang te wees nie? · [:5a, 9e – Ek is met jou] · [:5b – Ek sal jou nooit in die steek laat nie, jou nooit verlaat nie] VR. Hoe moes Josua sterk word? Vers 7 gee ‘n besondere perspektief [:7] – veral sterk en baie vasberade Hier in :7 gaan dit in besonder om sy geestelike lewe NB: Hoe hy homself moet toerus met krag en vasberadenheid Hier die beklemtoning...[:7] · in die 1e plek moet hy die Wetboek oordink · in die 2e plek moet hy nougeset daarvolgens leef (moet daarvan nie na links of regs afwyk nie!) By dit alles gee die Here ‘n belofte – dan sal jy voorspoedig wees, waar jy ook al gaan [ Dan sal jy in vrede leef!] Toepassing VR. Wat sê hierdie Skrifgedeelte vir ons vandag? Soos wat die onbekende van die beloofde land voor Joshua gelê het, so lê die onbekende van 2013 voor ons. Miskien is jy · ‘n klein seuntjie / dogtertjie wat bang is om vanjaar kleuterskool, Gr R, of grootskool toe te gaan · Miskien moet jy Woensdag Hoërskool toe gaan of dalk Universiteit toe, en het jy maar vlinders in die maag daaroor · Of moet by ‘n nuwe plek begin werk · Miskien weet jy nie wat om vanjaar te doen nie · Miskien gaan jy met ‘n baie swaar gemoed hierdie jaar binne agv siekte, onsekerheid oor werk, finansies, oor jou kinders of ouers · Miskien is jy regtig net bang vir wat voorlê Ek weet nie hoe jy oor 2013 voel nie... MAAR... ons Here weet, en dit is vir ons genoeg! Wat die Here destyds vir Josua gesê het, sê Hy vandag ook vir ons. Wat sê HY vir ons vandag? 1. Ek stuur jou Soos wat Hy Joshua die onbekende ingestuur het om vir Hom te gaan werk, so stuur Hy ook vir jou en my die onbekende van 2013 in om vir Hom te gaan werk. Hy sê dit duidelik en eerlik: dit gaan nie maklik wees nie Matt 10 – Ek stuur julle soos skape tussen ‘n klomp wolwe in Jh 17 – Ek bid nie dat U hulle uit die wêreld moet wegneem nie, maar dat U hulle van die BOSE sal bewaar] Wat is ons taak en ons roeping? Ons leef om in hierdie donker wêreld vir ons Here te leef! Dit is ons werk – dit is ons roeping! Of dit nou by ‘n speelgroepie is of ‘n kleuterskool, Gr R, Laerskool, Hoërskool, Universiteit, werk, tussen familie, vriende of waar ook al is JY en ek is die LIG wat God daar geplaas het om Hom, daar waar jy is en werk, te verheerlik! Ek wil dit weer sê: Ons leef om in hierdie donker wêreld vir ons Here te leef! Dit is ons werk – dit is ons roeping! Maar omdat ons Here weet wat die onbekende inhou en dat ons daarvoor bang is, daarom bemoedig Hy ons Wees sterk en vasberade Maak jouself sterk en vasberade HOE?
Jou stiltetyd id die belangrikste kragbron vir jou Maak kwaliteit tyd daarvoor · Deur die Seën o As jy nie in die huis van die Here is nie dan verbeur jy die seën – jy verbeur geestelike krag wat van die Here uitstroom om jou vir die week en die jaar wat voorlê met krag en vasberadenheid toe te rus o Sonder God se seën toesegging gaan die onbekende van die toekoms vir jou geestelik net nog moeiliker week wees. Julle wat die onbekende ingaan, gaan kerk toe Skakel daar in Leef met medegelowiges mee Soek deurentyd jou krag in die Here en in sy groot mag (Ef 6:10-18) As jy geestelik moeg word, dink aan jou KRAGBRON meer nog gaan na jou KRAGBRON Hy het belowe Hy is altyd met jou Hy sal jou nooit ooit verlaat nie, jou nooit ooit in die steek laat nie! AMEN.
2 Comments
|
Argief
October 2024
KATEGORIE |
RSS Feed